പാലക്കാട്: ദഅ്‌വ പ്രവര്‍ത്തനങ്ങള്‍ ശക്തിപ്പെടുത്തുന്നതിന്റെ ഭാഗമായി ജില്ലയില്‍ സംഘടനാപ്രവര്‍ത്തനം ശക്തിപ്പെടുത്തുന്നതിനായി മദീന പാഷന്‍ എസ്.കെ.എസ്.എസ്.എഫ് ജില്ലാസമ്മേളനം ഫെബ്രുവരി 10 മുതല്‍ 12 വരെ മണ്ണാര്‍ക്കാട്ട് നടത്താന്‍ ജില്ലാകമ്മിറ്റി തീരുമാനിച്ചു.
ജില്ലാ സമ്മേളന നടത്തിപ്പിനായി വിപുലമായ സ്വാഗത സംഘം രൂപീകരിക്കുന്നതിനായി ജില്ലയിലെ സമസ്ത നേതാക്കള്‍, എസ്.വൈ.എസ്, എസ്.എം.എഫ്, എസ്.കെ.എം.ഇ.എ, എസ്.കെ.എസ്.എസ്.എഫ്, ജംഇയ്യത്തുല്‍ മുഅല്ലിമിന്‍, ജംഇയ്യത്തുല്‍ മുദരസ്സീന്‍, മദ്‌റസ മാനെജ്‌മെന്റ് അസോസിയേഷന്‍, സമസ്ത ലീഗല്‍സെല്‍, എസ്.ബി.വി, ജില്ലാ-മണ്ഡലം-മേഖലാ-പഞ്ചായത്ത്-ക്ലസ്റ്റര്‍ ഭാരവാഹികള്‍, മഹല്ല് ഭാരവാഹികള്‍, മഹല്ല് ഖാസിമാര്‍, പൗരപ്രധാനികള്‍, മുഅല്ലിംകള്‍ എന്നിവരുടെ സംയുക്ത കണ്‍വണ്‍ഷന്‍ ഈ മാസം 22ന് രണ്ടുമണിക്ക് മണ്ണാര്‍ക്കാട് ഇസ്‌ലാമിക് സെന്ററില്‍ നടക്കും.
സമസ്തയുടേയും പോഷക സംഘടനകളുടേയും ജില്ലാ-സംസ്ഥാന നേതാക്കള്‍ കണ്‍വന്‍ഷനില്‍ പങ്കെടുക്കുമെന്ന് സയ്യിദ് ശിഹാബുദ്ധീന്‍ തങ്ങള്‍ വല്ലപ്പുഴ, ഷമീര്‍ ഫൈസി കോട്ടോപ്പാടം, അശ്ക്കര്‍ അലി കരിമ്പ അറിയിച്ചു.