ആലപ്പുഴ: ബന്ധുനിയമനവുമായി ബന്ധപ്പെട്ട് മുഖ്യമന്ത്രി അറിയാതെ ഒരുകാര്യവും നടന്നിട്ടില്ലെന്നും സ്വന്തം തടി രക്ഷിക്കാന്‍ ജയരാജനെ മുഖ്യമന്ത്രി ബലികൊടുക്കുകയാണ് ചെയ്തതെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു.
ആലപ്പുഴയില്‍ യു.ഡി.എഫ് ജനകീയ സദസ് ഉദ്ഘാടനം ചെയ്യുകയായിരുന്നു അദ്ദേഹം. ഇക്കാര്യത്തില്‍ മുഖ്യമന്ത്രിയുടെ പങ്കും അന്വേഷിക്കണം. ജയരാജന്റെ ബന്ധുനിയമനവുമായി ബന്ധപ്പെട്ട് ഇനി വിജിലന്‍സ് ത്വരിതാന്വേഷണം നടത്തേണ്ട കാര്യമില്ല. അതിന് സാധുതയുമില്ല. ജയരാജന്‍ കുറ്റസമ്മതം നടത്തിയെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ തന്നെ പറഞ്ഞ സാഹചര്യത്തില്‍ എഫ്. ഐ.ആര്‍ തയാറാക്കി കേസെടുക്കുകയാണ് വേണ്ടതെന്നും ചെന്നിത്തല കൂട്ടിച്ചേര്‍ത്തു. യു.ഡി.എഫ് ജില്ലാ ചെയര്‍മാന്‍ എം.മുരളി അധ്യക്ഷ
നായി.