പനാജി: ബ്രിക്‌സ് ഉച്ചകോടിയില്‍ പങ്കെടുക്കുന്നതിന് ഗോവയിലേക്ക് വന്ന വിമാനം വഴി തിരിച്ചുവിട്ടു. റഷ്യന്‍ പ്രതിനിധികളുമായെത്തിയ വിമാനമാണ് ബംഗളൂരുവിലേക്ക് തിരിച്ചുവിട്ടത്.
മോശം കാലാവസ്ഥയെ തുടര്‍ന്നായിരുന്നു ഇത്. ഇന്നലെ രാവിലെ ഒന്‍പതിന് വിമാനം കെംപഗൗഡ വിമാനത്താവളത്തില്‍ ഇറക്കി. റഷ്യന്‍ റെയില്‍വെ മേധാവി ഒളേഗ് ബെലോസറോയടക്കമുള്ള പ്രതിനിധികളാണ് വിമാനത്തില്‍ ഉണ്ടായിരുന്നത്.