ആലപ്പുഴ: കുട്ടനാട് കാര്‍ഷിക മേഖല വ്യവസായബന്ധ സമിതിയുടെ (ഐ.ആര്‍.സി) പമ്പിങ് മോട്ടോര്‍ തൊഴിലാളികളുടെ കൂലിയില്‍ വര്‍ദ്ധനവ് വരുത്തി. ഒരു എച്ച്.പി മുതല്‍ 20 എച്ച്.പി വരെയുള്ള മോട്ടോര്‍ പ്രവര്‍ത്തിപ്പിക്കുന്ന തൊഴിലാളികള്‍ക്ക് ലഭിച്ചു കൊണ്ടിരിക്കുന്ന ദിവസവേതനം 375 രൂപയില്‍ നിന്നും 500 രൂപയായും 20 എച്ച്.പിക്ക് മുകളില്‍ 30 എച്ച്.പി വരെയുള്ള മോട്ടോര്‍ പ്രവര്‍ത്തിപ്പിക്കുന്ന തൊഴിലാളികളുടെ ദിവസവേതനം 400 രൂപയില്‍ നിന്നും 525 രൂപയായും 30 എച്ച്.പിക്ക് മുകളില്‍ പ്രവര്‍ത്തിപ്പിക്കുന്ന തൊഴിലാളികളുടെ ദിവസവേതനം 425 രൂപയില്‍ നിന്നും 540 രൂപയായും വര്‍ദ്ധിപ്പിച്ചു. കൂലി വര്‍ദ്ധനവിന്റെ കാലാവധി അടുത്ത രണ്ട് പുഞ്ചകൃഷി വരെയായിരിക്കും. മറ്റ് ചെലവുകള്‍ക്കായി മോട്ടോര്‍ തറയിലെ തൊഴിലാളികള്‍ക്ക് നല്‍കിവരുന്ന ചെലവുകള്‍ മുന്‍ കാലങ്ങളില്‍ നല്‍കിയതുപോലെ തുടരുമെന്ന് ജില്ലാ ലേബര്‍ ഓഫീസര്‍ അറിയിച്ചു.