ഹരിപ്പാട്: അമ്പലപ്പുഴ ഉപജില്ലാ ശാസ്ത്രമേള ഒക്‌ടോബര്‍ 26,27 തീയതികളില്‍ മംഗലം ഗവണ്മെന്റ് ഹയര്‍സെക്കന്ററി സ്‌കൂളില്‍ നടക്കും.
26ന് രാവിലെ 10 ന് കെസിവേണുഗോപാല്‍ എംപി മേള ഉദ്ഘാടനം ചെയ്യും. മുതുകുളം ബ്ലോക്ക് പഞ്ചായത്ത് പ്രസിഡന്റ് അഡ്വ ബിപിന്‍ സി ബാബു അധ്യക്ഷത വഹിക്കും.
ജില്ലാ പഞ്ചായത്തംഗം ബബിതാ ജയന്‍, ആറാട്ടുപുഴ ഗ്രാമ പഞ്ചായത്ത് പ്രസിഡന്റ് എസ് അജിത, മുതുകുളം ബ്ലോക്ക് പഞ്ചായത്തംഗം ഷംസുദ്ദീന്‍ കായിപ്പുറം, ഗ്രാമ പഞ്ചായത്തംഗം വി വിദ്യാധരന്‍,അമ്പലപ്പുഴ ഉപജില്ലാ വിദ്യാഭ്യാസ ഓഫിസ ര്‍ കെപി കൃഷ്ണദാസ് ,ഹെഡിമാസ്റ്റേഴ്‌സ് ഫോറം കണ്‍വീനര്‍ മംഗലം ജിഎച്ച്എസ് എസ് പ്രിന്‍സിപ്പല്‍ ആര്‍ പ്രസന്നകുമാരി, ഹെഡ്മിസ്ട്രസ് കുമാരി എസ് അനിത,പിടിഎ പ്രസിഡന്റ് പിഎസ് ബിമല്‍റോയി,മംഗലം എല്‍പി സ്‌കൂള്‍ ഹെഡ്മിസ്ട്‌സ് സുരീനബീഗം എന്നിവര്‍ പ്രസംഗിക്കും.
രണ്ട് ദിവസമായി നടക്കുന്ന ശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയമേളയില്‍ 67 സ്‌കൂളുകളില്‍ നിന്നായി 1300 ഓളം കുട്ടികള്‍ പങ്കെടുക്കും.