തൊടുപുഴ: സുന്നി യുവജന സംഘം (എസ്.വൈ.എസ്) സംസ്ഥാന കമ്മിറ്റി നടത്തിവരുന്ന ഐ.എസ്, സലഫിസം, ഫാസിസം ക്യാംപയിന്റെ ഭാഗമായി എസ്.വൈ.എസ് ജില്ലാ കമ്മിറ്റി സംഘടിപ്പിക്കുന്ന ക്യാംപയിന്‍ സമ്മേളനം ഇന്ന് നടക്കും.
ഉച്ചയ്ക്ക് രണ്ടിന് തൊടുപുഴ അര്‍ബന്‍ ബാങ്ക് ഓഡിറ്റോറിയത്തില്‍ നടക്കുന്ന സമ്മേളനത്തില്‍ എസ്.വൈ.എസ് ജില്ലാ പ്രസിഡന്റ് അബ്ദുല്‍ കബീര്‍ റഷാദി അധ്യക്ഷത വഹിക്കും. സമസ്ത തെക്കന്‍ മേഖല ഓര്‍ഗനൈസര്‍ ഉമ്മര്‍ മൗലവി വയനാട് ഉദ്ഘാടനം ചെയ്യും. ഡോ. സുബൈര്‍ ഹുദവി ചേകന്നൂര്‍ മുഖ്യപ്രഭാഷണം നടത്തും. സമസ്തയുടേയും പോഷക സംഘടനകളുടേയും നേതാക്കള്‍ സംസാരിക്കും.
ആഗോള ഭീകര പ്രസ്ഥാനമായി മാറിയിരിക്കുന്ന ഐ.എസിനെതിരെ ജാഗ്രത പാലിക്കാനും സലഫിസത്തിന്റെ അപചയം തുറന്നുകാട്ടാനും വര്‍ഗീയ ഫാസിസത്തിനെതിരെ യോചിച്ച മുന്നേറ്റമുണ്ടാക്കാനും സമൂഹത്തെ ബോധവത്ക്കരിക്കാനാണ് എസ്.വൈ.എസ് ക്യാംപയിന്‍ സംഘടിപ്പിക്കുന്നത്. ക്യാംപയിന്‍ സമ്മേളനം വന്‍ വിജയമാക്കണമെന്ന് സമസ്ത കേരള ജംഇയത്തുല്‍ ഉലമ ജില്ലാ കോ ഓഡിനേഷന്‍ കമ്മിറ്റി അഭ്യര്‍ഥിച്ചു.