ഷാങ്ഹായ്: സെര്‍ബിയയുടെ ലോക ഒന്നാം നമ്പര്‍ താരം നൊവാക് ദ്യോക്കോവിചിന് ഷാങ്ഹായ് മാസ്റ്റേഴ്‌സ് ടെന്നീസ് ടൂര്‍ണമെന്റിന്റെ സെമി ഫൈനലില്‍ ഞെട്ടിപ്പിക്കുന്ന തോല്‍വി. സ്‌പെയിനിന്റെ റോബര്‍ട്ടോ ബാറ്റിസ്റ്റ അഗറ്റിനോടാണ് താരം തോല്‍വി നേരിട്ടത്. സ്‌കോര്‍ 6-4, 6-4.
ദ്യോക്കോവിചിന്റെ മികവിനെ കൂസാതെ കളിച്ച ബാറ്റിസ്റ്റ താരത്തിന് യാതൊരവസരവും നല്‍കാതെയാണ് മത്സരം സ്വന്തമാക്കിയത്.  മത്സരത്തിലുടനീളം മികവു പ്രകടിപ്പിക്കാന്‍ സാധിക്കാതിരുന്ന ദ്യോക്കോവിച് തോല്‍വിയിലുണ്ടായ ദേഷ്യത്തില്‍ റാക്കറ്റ് വലിച്ചെറിയുകയും ചെയ്തു. ജൂണില്‍ ഫ്രഞ്ച് ഓപണ്‍ കിരീടം നേടിയ ശേഷം വമ്പന്‍ ടൂര്‍ണമെന്റുകളിലൊന്നും ദ്യോക്കോവിചിന് കിരീടം നേടാന്‍ സാധിച്ചിട്ടില്ല. അതേസമയം തോല്‍വി താരത്തിന് ഒന്നാം റാങ്കിന് വെല്ലുവിളിയുയര്‍ത്തുന്നതാണ്.