കൊടുങ്ങല്ലൂര്‍: എസ്.കെ.എസ്.എസ്.എഫിന്റെ പ്രവര്‍ത്തനം ഊര്‍ജിതമാക്കുന്നതിന്റെ ഭാഗമായി മേഖല കമ്മിറ്റികള്‍ പുനസംഘടിപ്പിക്കാനുള്ള ജില്ലാ കമ്മിറ്റിയുടെ നിര്‍ദേശ പ്രകാരം കൊടുങ്ങല്ലൂര്‍ മേഖല എസ്.കെ.എസ്.എസ്.എഫ് കമ്മിറ്റി പുനസംഘടിപ്പിച്ചു. കെ.എസ് മുഹമ്മദ് ഷെഫീഖ് ഫൈസി (പ്രസിഡന്റ്), ടി.വൈ അബ്ദുള്‍ ഹമീദ് മൗലവി (ജനറല്‍ സെക്രട്ടറി), പി.എ ആശിഖ് (ട്രഷറര്‍), കെ.എം മുഹമ്മദ് ശെമീം (വര്‍ക്കിംഗ് സെക്രട്ടറി), ആര്‍.കെ സിറാജുദ്ധീന്‍ മൗലവി, ഹാരിസ് പേബസാര്‍, നൗഷാദ് നമ്പൂരിമഠം (വൈസ് പ്രസിഡന്റുമാര്‍), ഇ.എ അബ്ദുറസാക്ക് മുസ്്‌ലിയാര്‍ അഞ്ചപ്പാലം, ശുഹൈബ് കോതപറമ്പ്, സ്വാലിഹ് ഈസ്റ്റ് മാടവന (ജോയിന്റ് സെക്രട്ടറിമാര്‍) എന്നിവരെ തെരഞ്ഞെടുത്തു.
യോഗത്തില്‍ ജില്ലാ നിരീക്ഷകന്‍ ജാബിര്‍ യമാനി അധ്യക്ഷനായി. സി.എസ് ഹുസൈന്‍ തങ്ങള്‍ ഉദ്ഘാടനം ചെയ്തു. പി.എ സഗീര്‍ മുസ്്‌ലിയാര്‍, മുഹമ്മദ് ശെഫീഖ് ഫൈസി, സിയാദ് ഫൈസി എന്നിവര്‍ സംസാരിച്ചു.