പേരാമ്പ്ര: ചെറുവണ്ണൂര്‍ പഞ്ചായത്ത് ഒന്‍പതാം വാര്‍ഡ് കണ്ടീതാഴെ മലയില്‍ മഖാമിനു സമീപം ചിറ്റാരിക്കല്‍ കുഞ്ഞമ്മദിന്റെ കടക്ക് തീവച്ചു. ശനിയാഴ്ച്ച പുലര്‍ച്ചെ മൂന്ന് മണിക്ക് മത്സ്യത്തിന് പോകുന്നയാളാണ് കട കത്തുന്നത് കണ്ടത്.
തുടര്‍ന്ന് ഇയാള്‍ നാട്ടുകാരെ വിവരമറിയിച്ച്  തീ അണക്കുകയായിരുന്നു. കടയുടെ ഓല മേഞ്ഞ മേല്‍ക്കൂര പൂര്‍ണമായും കത്തിനശിച്ചു.
അറയുടെ മേല്‍ ഭാഗത്തിനും കടയില്‍ സൂക്ഷിച്ച സാധനങ്ങളും നശിച്ചിട്ടുണ്ട്. ഉടമയുടെ പരാതിയെ തുടര്‍ന്ന് മേപ്പയ്യൂര്‍ പൊലിസ് സ്ഥലത്തെത്തി അന്വേഷണം തുടങ്ങി. മണ്ണെണ്ണ ഒഴിച്ചാണ് കടക്ക് തീവച്ചതെന്ന് സംശയിക്കുന്നു.