നീലേശ്വരം: പാലക്കാട്ടു നടന്ന സംസ്ഥാന സബ് ജൂനിയര്‍ ഫുട്‌ബോളില്‍ (അണ്ടര്‍ 14) രണ്ടാം സ്ഥാനം നേടിയ ജില്ലാ ടീമിനു നീലേശ്വരം റെയില്‍വേ സ്റ്റേഷനില്‍ സ്വീകരണം നല്‍കി. ക്യാപ്റ്റന്‍ അശ്വിന്‍, മാനേജര്‍ അംലദ്, കോച്ച ടി.വി വിനോദ് എന്നിവര്‍ ടീമിനൊപ്പമുണ്ടായിരുന്നു. ബാന്റു മേളങ്ങളുടെ അകമ്പടിയോടെയായിരുന്നു സ്വീകരണം. ജില്ലാ ഫുട്‌ബോള്‍ അസോസിയേഷന്‍ സെക്രട്ടറി കെ കുമാരന്‍, വൈസ് പ്രസിഡന്റ് പി അബ്ദുല്‍ലത്തീഫ്, സി ദാവൂദ്, കെ ചിത്രരാജ്, കെ.എം ഹാരിസ്, സിദ്ദിഖ് ചക്കര, ഇ ബാലന്‍ നമ്പ്യാര്‍ സംബന്ധിച്ചു.