മഞ്ചേശ്വരം: വൊര്‍ക്കാടിയില്‍ അടച്ചിട്ട വീട് കുത്തിത്തുറന്ന് കവര്‍ച്ച. 10,000 രൂപയും ഒന്നരപ്പവന്‍ സ്വര്‍ണാഭരണവും കവര്‍ന്നു. വൊര്‍ക്കാടി മജിര്‍പള്ളത്തെ പള്ളിക്കുഞ്ഞി ഹാജിയുടെ വീട്ടിലാണ് കവര്‍ച്ച നടന്നത്. പള്ളിക്കുഞ്ഞി ഹാജിയും കുടുംബവും സൗദിയിലാണ്. ആറു മാസം മുമ്പാണ് വീട് പൂട്ടി സൗദിയില്‍ പോയത്. ബന്ധുക്കളായിരുന്നു വീട് നോക്കിയിരുന്നത്. ഇന്നലെ വൈകിട്ട് ബന്ധുക്കള്‍ പള്ളിക്കുഞ്ഞി ഹാജിയുടെ വീട്ടിലെത്തിയപ്പോഴാണ് മുന്‍ ഭാഗത്തെ വാതില്‍പൂട്ട് പൊളിച്ച നിലയില്‍ കണ്ടത്. അകത്തെ രണ്ടു അലമാരകള്‍ തകര്‍ത്ത നിലയിലാണ്. ഇവിടെ സൂക്ഷിച്ച പണവും ആഭരണവുമാണ് മോഷണം പോയത്. മഞ്ചേശ്വരം പൊലിസ് കേസെടുത്ത് അന്വേഷണം തുടങ്ങി.