കണ്ണൂര്‍: സംസ്ഥാന സ്‌കൂള്‍ നോര്‍ത്ത് സോണ്‍ ഗെയിംസ് മത്സരങ്ങള്‍ക്ക് കണ്ണൂരില്‍ വര്‍ണാഭമായ തുടക്കം. ജൂനിയര്‍ വിഭാഗത്തിലെ മുഴുവന്‍ മത്സരങ്ങളും ഇന്നലെ അവസാനിച്ചു. പൊലിസ് പരേഡ് ഗ്രൗണ്ടില്‍ കോര്‍പറേഷന്‍ മേയര്‍ ഇ.പി ലത ഗെയിംസ് ഉദ്ഘാടനം ചെയ്തു. ജില്ലാ പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ കെ.പി ജയപാലന്‍ അധ്യക്ഷനായി. ജില്ലാ പഞ്ചായത് പ്രസിഡന്റ് കെ.വി സുമേഷ് ഗെയിംസ് സന്ദേശം നല്‍കി. സ്‌പോര്‍ട്‌സ് ഡി.ഡി.ഒ ഡോ. ചാക്കോ ജോസഫ് പതാക ഉയര്‍ത്തി. കണ്ണൂര്‍ കോര്‍പറേഷന്‍ സ്റ്റാന്‍ഡിങ് കമ്മിറ്റി ചെയര്‍മാന്‍ ഷാഹിന മൊയ്തീന്‍, കൗണ്‍സിലര്‍ അഡ്വ. ലിഷ ദീപക്, ഡയറ്റ് പ്രിന്‍സിപ്പല്‍ സി.എം ബാലകൃഷ്ണന്‍, തളിപ്പറമ്പ് ഡി.ഇ.ഒ ബാലചന്ദ്രന്‍ മഠത്തില്‍, കണ്ണൂര്‍ ഡി.ഡി.ഇ.എം ബാബുരാജ്, ഇ.കെ അശോകന്‍ സംസാരിച്ചു.