കണ്ണൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ വിഭാവനം ചെയ്ത മുഅല്ലിംഡേ ഇന്നു ജില്ലയില്‍ സമുചിതമായി ആചരിക്കും. ജില്ലാതല ഉദ്ഘാടനം മയ്യില്‍ റെയ്ഞ്ചിലെ കാലടി സിറാജുല്‍ഹുദാ മദ്‌റസയില്‍ സമസ്ത ജില്ലാ സെക്രട്ടറി മാണിയൂര്‍ അബ്ദുറഹ്മാന്‍ ഫൈസി നിര്‍വഹിക്കും. ജില്ലാ നിര്‍വാഹക സമിതി അംഗം അബ്ദുല്‍ ജലീല്‍ ഹസനി അധ്യക്ഷനാകും. അബ്ദുല്‍ ഷുക്കൂര്‍ ഫൈസി വിഷയാവതരണവും അബ്ദുസമദ് മുട്ടം മുഖ്യപ്രഭാഷണവും നടത്തും. മുഅല്ലിം ഡേയുമായി ബന്ധപ്പെട്ട് ജില്ലയിലെ റെയ്ഞ്ചുകളിലും എഴുന്നൂറോളം മദ്‌റസകളിലും മജ്‌ലിസന്നൂര്‍, ആദരിക്കല്‍, ദിക്‌റ്-ദുആ മജ്‌ലിസ്, പഠനക്ലാസ്, ആസ്വാദനം എന്നിവ സംഘടിപ്പിക്കും. കേന്ദ്ര മുഅല്ലിം ക്ഷേമനിധിയിലേക്കു ഫണ്ട് ശേഖരണവും നടക്കും.
മുഅല്ലിം ഡേ പരിപാടികള്‍ ജില്ലാ ജംഇയ്യത്തുല്‍ മുഅല്ലിമീന്‍ എക്‌സിക്യൂട്ടീവ് യോഗം വിലയിരുത്തി. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. അബ്ദുല്‍ ലത്തീഫ് ഇടവച്ചാല്‍ റിപ്പോര്‍ട്ട് അവതരിപ്പിച്ചു. അബ്ദുസമദ് മുട്ടം, കെ.സി മൊയ്തുമൗലവി, അബ്ദുല്‍ ലത്തീഫ് ഫൈസി പറമ്പായി, അബ്ദുസലാം ഇരിക്കൂര്‍, നവാസ് ദാരിമി പടന്നോട്ട്, അബ്ദുറഹമാന്‍ മിസ്ബാഹി, ഇബ്രാഹിം ബാഖവി, സിദ്ദീഖ് ഫൈസി, അബ്ദുല്‍ കരീം അല്‍ഖാസിമി, റഹ്മത്തുല്ല മൗലവി, ജലീല്‍ ഹസനി, ഷമീര്‍ അസ്ഹരി, അലി മൗലവി ഇരിട്ടി, അബ്ദുല്‍ ഷുക്കൂര്‍ ഫൈസി പുഷ്പഗിരി സംസാരിച്ചു.