മാഹി: മാഹി സെന്റ് തെരേസാസ് ദേവാലയ തിരുനാളിനോടനുബന്ധിച്ച് പ്രധാന തിരുനാള്‍ദിനമായ ഇന്നലെ ദേവാലയത്തിനു മുന്നില്‍ ശയനപ്രദക്ഷിണം നടന്നു. പുലര്‍ച്ചെ രണ്ടിന് ആരംഭിച്ച് ഏഴുവരെ നീണ്ട ശയനപ്രദക്ഷിണത്തില്‍ നൂറുകണക്കിനു വിശ്വാസികള്‍ പങ്കെടുത്തു.
കോഴിക്കോട് ബിഷപ് ഡോ. വര്‍ഗീസ് ചക്കാലയ്ക്കലിനു ആശുപത്രി ജങ്ഷനില്‍ സ്വീകരണം നല്‍കി. ബിഷപിന്റെ മുഖ്യകാര്‍മികത്വത്തില്‍ പൊന്തിഫിക്കല്‍ ദിവ്യബലി നടന്നു. മതമൈത്രി സമ്മേളനം ഡോ. വി രാമചന്ദ്രന്‍ എം.എല്‍.എ ഉദ്ഘാടനം ചെയ്തു. ബിഷപ് ഡോ. വര്‍ഗീസ് ചക്കാലയ്ക്കല്‍ അധ്യക്ഷനായി.
നോവലിസ്റ്റ് എം മുകുന്ദന്‍, മുന്‍ മന്ത്രി ഇ വത്സരാജ്, റീജണല്‍ അഡ്മിനിസ്‌ട്രേറ്റര്‍ എസ് മാണിക്കദീപന്‍, ഇടവക വികാരി റവ ഡോ. ജെറോം ചിങ്ങന്തറ സംസാരിച്ചു. തിരുനാള്‍ 22നു സമാപിക്കും.