കാഞ്ഞിരപ്പള്ളി: അമിത വേഗത്തിലെത്തിയ കെ.എസ്.ആര്‍.ടി.സി ബസ് സ്വകാര്യ ബസിലിടിച്ച് 25 യാത്രക്കാര്‍ക്ക് പരുക്ക്.
കോട്ടയത്ത് നിന്ന് കുമളിയിലേക്ക് പോവുകയായിരുന്ന കെ.എസ്.ആര്‍.ടി.സി ബസ് 26ാം മൈലിനു സമീപത്തെ വളവില്‍ മറ്റൊരു വാഹനത്തെ മറികടക്കാന്‍ ശ്രമിക്കവെ എതിരെ വന്ന സ്വകാര്യ ബസില്‍ ഇടിക്കുകയായിരുന്നു.
സ്വകാര്യ ബസിലെ ഡ്രൈവര്‍ റെജിമോന്‍ വര്‍ഗ്ഗസിന്റെ (42) വലുതുകാലില്‍ സാരമായ പരുക്കേറ്റു.
ഇടിയുടെ ആഘതത്തില്‍ ബസിന്റെ സീറ്റില്‍ മുഖം ചെന്നിടിച്ചാണ് കൂടുതല്‍ യാത്രക്കാര്‍ക്കും പരുക്കേറ്റത്. പരുക്കേറ്റ യാത്രക്കാരെ ഉടന്‍ മേരി ക്യൂന്‍സ് ഹോസ്പിറ്റലില്‍ പ്രവേശിപ്പിച്ച് ചികിത്സ നല്‍കി. മുണ്ടക്കയത്ത് നിന്നും ചങ്ങനാശേരിയിലേക്ക് പോവുകയായിരുന്ന സ്വകാര്യ ബസില്‍ അമിത വേഗത്തിലെത്തിയ കെ.എസ്.ആര്‍.ടി.സി ബസ് ഇടിക്കുകയായിരുന്നു.
വാഹനമിടിച്ചതോടെ കെ.എസ്.ആര്‍.ടി.സി ബസ് ഡ്രൈവര്‍ വാഹനത്തില്‍ നിന്നും ഇറങ്ങിയോടി. കോട്ടയത്ത് ബസ് എടുത്തപ്പോള്‍ മുതല്‍ അശ്രദ്ധമായിട്ടാണ് ഡ്രൈവര്‍ വണ്ടി ഓടിച്ചിരുന്നതെന്ന് യാത്രക്കാര്‍ പറഞ്ഞു. ഡ്രൈവര്‍ മദ്യപിച്ചിരുന്നതായും യാത്രക്കാര്‍ ആരോപിച്ചു.