തിരുവനന്തപുരം: നവംബര്‍ 10,11,12 തീയതികളില്‍ കോഴിക്കോട് നടക്കുന്ന മുസ്‌ലിം യൂത്ത്‌ലീഗ് സംസ്ഥാന സമ്മേളന പ്രചാരണാര്‍ഥമുള്ള ദക്ഷിണ മേഖല യുവസംഗമം നാളെ നന്ദാവനത്തുള്ള പാണക്കാട് ഹാളില്‍ നടക്കും.
വൈകിട്ട് മൂന്നിന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി സംഗമം ഉദ്ഘാടനം ചെയ്യും. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, വി.കെ ഇബ്രാഹിംകുഞ്ഞ് എം.എല്‍.എ, ടി.എ. അഹമ്മദ് കബീര്‍ എം.എല്‍.എ, കെ.എം ഷാജി എം.എല്‍.എ, അഡ്വ. എന്‍. ഷംസുദ്ദീന്‍ എം.എല്‍.എ, മുസ്‌ലിം ലീഗ് സംസ്ഥാന വൈസ് പ്രസിഡന്റ് പി.എച്ച്. അബ്ദുള്‍ സലാം ഹാജി, സെക്രട്ടറി ടി.എം സലീം, ജോയിന്റ് സെക്രട്ടറി കെ.എസ്. ഹംസ പ്രസംഗിക്കും. യുവസംഗമത്തില്‍ തൃശ്ശൂര്‍ മുതല്‍ തിരുവനന്തപുരം വരെയുള്ള ജില്ലകളിലെ മുഴുവന്‍ ജില്ലാ, മണ്ഡലം ഭാരവാഹികളും സംബന്ധിക്കും.