കടമേരി: കടമേരി മാപ്പിള യു.പി.സ്‌കൂളിന് സ്ഥിരംവേദി നിര്‍മിച്ചുനല്‍കി പൂര്‍വ വിദ്യാര്‍ഥി മാതൃകയായി. സ്‌കൂളിലെ പൂര്‍വ വിദ്യാര്‍ഥിയും അബൂദാബി ബിസിനസ്സുകാരനുമായ പീറ്റയില്‍ ആരിഫാണ് പിതാവ് കുഞ്ഞബ്ദുല്ല ഹാജിയുടെ സ്മരണക്ക് സ്‌കൂളിന് വേദി നിര്‍മിച്ചു നല്‍കിയത്.
വേദിയുടെ സമര്‍പ്പണം കുറ്റ്യാടി എം.എല്‍.എ പാറക്കല്‍ അബ്ദുല്ല നിര്‍വഹിച്ചു. ആയഞ്ചേരി പഞ്ചായത്ത് പ്രസിഡന്റ് എം.എം.നഷീദ ടീച്ചര്‍ അധ്യക്ഷയായി.
സ്‌കൂള്‍ മാനേജര്‍ ടി.കെ ഇബ്രാഹിം ഹാജി എം.എല്‍.എക്ക് ഉപഹാരം നല്‍കി.
തോടന്നൂര്‍ എ.ഇ.ഒ.എ പ്രദീപ്കുമാര്‍,ബി.പി.ഒ.രാധാകൃഷ്ണന്‍ എടത്തട്ട,പഞ്ചായത്ത് സ്റ്റാന്റിങ് കമ്മിറ്റി ചെയര്‍മാന്‍ നൊച്ചാട്ട് കുഞ്ഞബ്ദുല്ല,വാര്‍ഡ് മെമ്പര്‍ കൗല ഗഫൂര്‍,പി.ടി.എ പ്രസിഡന്റ് ഇ.പി.മൊയ്തു,ടി.എന്‍.അബ്ദുന്നാസര്‍,എം.കെ.നാണു,ഏരത്ത് അബൂബക്കര്‍ ഹാജി,സി.എച്ച് അശ്‌റഫ്,
പി.കെ.കുഞ്ഞബ്ദുല്ല,തറമല്‍ കുഞ്ഞമ്മദ്,മുണ്ടക്കണ്ടി അശോകന്‍,ഇല്ലത്ത് നാണു നമ്പ്യാര്‍,എ.അശോകന്‍,കോട്ടോള്ളതില്‍ പ്രബീഷ്,ബിന്ദു മംഗലാട്,കാട്ടില്‍ മൊയ്തു മാസ്റ്റര്‍,കെ.രതീഷ്,ഹെഡ്മാസ്റ്റര്‍ എന്‍.പി.ഇബ്രാഹിം,കെ.അബ്ദുറഹ്മാന്‍ സംസാരിച്ചു.
ചടങ്ങില്‍ എല്‍.എസ്.എസ് വിജയി നൗറീന്‍ ഫാത്തിമ,എസ്.എസ്.എല്‍.സി പരീക്ഷയില്‍ മുഴുവന്‍ വിഷയത്തിലും എ.പ്ലസ് നേടിയ പൂര്‍വവിദ്യാര്‍ഥികളെയും ആദരിച്ചു. ശേഷം നവാസ് പാലേരിയുടെ സംഗീത സായാഹ്നവും അരങ്ങേറി.