കോഴിക്കോട്: കാലിക്കറ്റ് പ്രസ് ക്ലബ് സംഘടിപ്പിക്കുന്ന വാര്‍ത്താ ചിത്ര പ്രദര്‍ശനം മന്ത്രി ഇ. ചന്ദ്രശേഖരന്‍ സന്ദര്‍ശിച്ചു. നാലാം ദിവസം നടന്ന ഐസക് സാമിന്റെ പഠന ക്ലാസിനിടെയാണ് പ്രദര്‍ശനം കാണാന്‍ മന്ത്രിയെത്തിയത്. ജോലിയില്‍ അതീവ ജാഗ്രത പുലര്‍ത്തുന്ന ന്യൂസ് ഫോട്ടോഗ്രാഫര്‍മാര്‍ പകര്‍ത്തുന്ന ചിത്രങ്ങളുടെ സൗന്ദര്യമാണ് പ്രദര്‍ശനത്തില്‍ ആസ്വദിക്കാന്‍ കഴിയുന്നതെന്ന് അദ്ദേഹം പറഞ്ഞു. എ.ഐ.വൈ.എഫ് ജില്ലാ സെക്രട്ടറി പി ഗവാസും മന്ത്രിക്കൊപ്പമുണ്ടായിരുന്നു. ഐസക് സാമിന് മന്ത്രി ഉപഹാരം സമ്മാനിച്ചു. പ്രസ് ക്ലബ് പ്രസിഡന്റ് കമാല്‍ വരദൂര്‍ അധ്യക്ഷനായി. എക്‌സിബിഷന്‍ കണ്‍വീനര്‍മാരായ റസല്‍ ഷാഹുല്‍, രാജേഷ് മേനോന്‍, ലൈലാ സലീം എന്നിവര്‍ സംസാരിച്ചു.