മുക്കം: മാറിയ കാലത്ത് വിദ്യാഭ്യാസത്തോടൊപ്പം വിവര സാങ്കേതിക രംഗത്തും വിദ്യാര്‍ഥികള്‍ പ്രബുദ്ധരാവണമെന്ന് പി.കെ ബഷീര്‍ എം.എല്‍.എ പറഞ്ഞു. കൊടിയത്തൂര്‍ പി.ടി. എം ഹയര്‍ സെക്കന്‍ഡറി സക്കൂളില്‍ നടപ്പിലാക്കുന്ന 'ഡിജിറ്റല്‍ പി.ടി.എം ' പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഹെഡ്മാസ്റ്റര്‍ പി.ജെ കുര്യന്‍ അധ്യക്ഷനായി. ഡിജിറ്റല്‍ ക്ലാസ് റൂം, വീഡിയോ സര്‍വൈവലന്‍സ്, സ്റ്റുഡന്റ്‌സ് ഇന്‍ഫര്‍മേഷന്‍ മെസേജ് സിസ്റ്റം, എന്നിവ പദ്ധതിയുടെ ഭാഗമായി നടപ്പിലാക്കും. മെസേജ് സിസ്റ്റം പി.ടി.എ പ്രസിഡന്റ് സി.പി അസീസ് ഉദ്ഘാടനം ചെയ്തു. റിഹ് ല ഗ്രൂപ്പ് എം.ഡി മജീദ് ചെറുവാടി, കെ.കെ അബ്ദുല്‍ ഗഫൂര്‍ , ചെറുവാടി ഹാജി, ബാബു മൂലയില്‍, അഷ്‌റഫ് കൊളക്കാടന്‍, ജമാല്‍ ചെറുവാടി, ഗഫൂര്‍ തറമ്മല്‍, മജീദ് പുതുക്കുടി, പി.ടി ഇസ്മായില്‍, സഹര്‍ബാന്‍ കോട്ട സംസാരിച്ചു.