മട്ടാഞ്ചേരി: വിദ്യാഭ്യാസ ഉപജില്ല ശാസ്ത്ര ,ഗണിത ശാസ്ത്ര ,സാമൂഹിക ശാസ്ത്ര, പ്രവൃത്തി പരിചയ, ഐ.ടി മേളകള്‍ ഈ മാസം 25 മുതല്‍ 28 വരെ നടക്കും. ഫോര്‍ട്ടുകൊച്ചി സാന്താക്രൂസ് സ്‌കൂള്‍, ഫാത്തിമ സ്‌കൂള്‍, സെന്റ്.ജോണ്‍ ഡി. ബ്രിട്ടോ സ്‌കൂള്‍, സെന്റ്. മേരീസ് ആംഗ്ലോ ഇന്ത്യന്‍ സ്‌കൂള്‍, സെന്റ്.ഫ്രാന്‍സിസ് എല്‍.പി സ്‌കൂള്‍ എന്നീ വിദ്യാലയങ്ങളിലായാണ് മേള നടക്കുന്നത്.
മേളയുടെ സ്വാഗത സംഘം രൂപീകരണ യോഗം കെ.ജെ മാക്‌സി എം.എല്‍.എ ഉദ്ഘാടനം ചെയ്തു.
കുമ്പളങ്ങി പഞ്ചായത്ത് പ്രസിഡന്റ് മാര്‍ട്ടിന്‍ ആന്റണി അധ്യക്ഷത വഹിച്ചു. കൊച്ചി രൂപത എഡ്യുക്കേഷന്‍ മാനേജര്‍ ഫാ. ജോപ്പി കൂട്ടുങ്കല്‍, ഉപ ജില്ല വിദ്യഭ്യാസ ആഫീസര്‍ കെ.എ വാഹിദ , വി.ജെ പീറ്റര്‍, പി.എ ആന്റണി, ചന്ദ്രഭാനു, പി.എ ആനി, ആഗ്‌നസ് മറിയ, പി.എം സുബൈര്‍ എന്നിവര്‍ സംസാരിച്ചു.