കൂത്തുപറമ്പ്: ചെറുവാഞ്ചേരിയില്‍ സര്‍വീസ് കഴിഞ്ഞ് നിര്‍ത്തിയിട്ട സ്വകാര്യ ബസിനു നേരെ അക്രമം. ചെറുവാഞ്ചേരി-തലശ്ശേരി റൂട്ടിലോടുന്ന ആനന്ദം ബസിനു നേരെയാണ് അക്രമമുണ്ടായത്. മുന്‍വശത്തേയും പിന്നിലേയും ഗ്ലാസുകള്‍ തകര്‍ത്ത നിലയിലാണ്. ശനിയാഴ്ച രാത്രിയായിരുന്നു സംഭവം.
സംഭവത്തില്‍ പ്രതിഷേധിച്ച് ചെറുവാഞ്ചേരി പാനൂര്‍-തലശ്ശേരി റൂട്ടില്‍ സ്വകാര്യ ബസുകള്‍ പണിമുടക്കി. കണ്ണവം പൊലിസ് കേസെടുത്ത് അന്വേഷണം തുടങ്ങി.