കയ്പമംഗലം: പെരിഞ്ഞനം കൊറ്റംകുളത്ത് തെരുവുനായ്ക്കളുടെ ആക്രമണത്തില്‍ കോഴികള്‍ ചത്തു. കൊറ്റംകുളം കിഴക്ക് തറയപ്പുറത്ത് രമേഷിന്റെ 35 മുട്ടക്കോഴികളെയാണ് തെരുവുനായ്ക്കള്‍ കടിച്ചുകൊന്നത്. ഇന്നലെ പുലര്‍ച്ചെയാണ് സംഭവം. വീടിനോടു ചേര്‍ന്ന് കൂടുകെട്ടിയാണ് കോഴികളെ വളര്‍ത്തിയിരുന്നത്. കൂട് പൊളിച്ചാണ് തെരുവുനായ്ക്കള്‍ ആക്രമണം നടത്തിയത്.
ഏതാനും ദിവസങ്ങള്‍ക്കു മുന്‍പ് സമീപവാസികളായ ഏറാട്ട് ബാബുവിന്റെ ആടിനെയും പോനിശ്ശേരി കബീര്‍, മാടായില്‍ വള്ളിയമ്മ എന്നിവരുടെ കോഴികളെയും തെരുവുനായ്ക്കള്‍ കടിച്ചുകൊന്നിരുന്നു.