തൃക്കരിപ്പൂര്‍: രാജ്യത്ത് നിലവിലുള്ള മഹത്തായ ഭരണഘടനക്ക് വിരുദ്ധമായി കൊണ്ടുവരുന്ന ഏകസിവില്‍ കോഡ് പ്രധാന മന്ത്രി മോദിയുടെ രാഷ്ടീയ മുതലെടുപ്പാണെന്ന് സമസ്ത കേരള ജംഇയ്യത്തുല്‍ ഉലമ തൃക്കരിപ്പൂര്‍ മണ്ഡലം പ്രവര്‍ത്തക സമിതി ആരോപിച്ചു. രാജ്യത്തിന്റെ മതേതരത്വത്തിന് കളങ്കം വരുന്ന ഇത്തരം നിയമങ്ങള്‍ പിന്‍വലിക്കണമെന്ന് യോഗം പ്രമേയത്തിലൂടെ ആവശ്യപ്പെട്ടു. സയ്യിദ് ടി.കെ പൂക്കോയതങ്ങള്‍ ചന്തേര അധ്യക്ഷനായി. എം.ടി.പി മുഹമ്മദ് മൗലവി, ജമാലുദ്ദീന്‍ ഫൈസി പടന്ന, സി അബ്ദുറഹീം മൗലവി, അഹമ്മദ് മൗലവി പോത്താംകണ്ടം, ഷമീര്‍ ഹൈത്തമി, അബ്ദുല്ല ദാരിമി, ലുഖ്മാന്‍ അസ്അദി പ്രസംഗിച്ചു. ജനറല്‍ സെക്രട്ടറി ശംസുദ്ദീന്‍ ഫൈസി ഉടുമ്പുന്തല സ്വാഗതവും നന്ദിയും പറഞ്ഞു.