പത്തനംതിട്ട: തുലാമാസ പൂജകള്‍ക്കായി ശബരിമലനട തുറന്നു. മേല്‍ശാന്തി നറുക്കെടുപ്പ് ഇന്ന് നടക്കും. ഇന്നലെ വൈകിട്ട് തന്ത്രി കണ്ഠര് രാജീവരുടെ സാന്നിധ്യത്തില്‍ മേല്‍ശാന്തി എസ്.ഇ. ശങ്കരന്‍ നമ്പൂതിരിയാണ് നട തുറന്നത്. തുടര്‍ന്ന് ശ്രീകോവിലിനുള്ളില്‍ ദീപം തെളിയിച്ചു.
ഇന്ന് ഉഷപൂജയ്ക്ക് ശേഷം സന്നിധാനത്ത് മേല്‍ശാന്തി നറുക്കെടുപ്പ് നടക്കും. ആദ്യം അയ്യപ്പക്ഷേത്രത്തിലേയും തുടര്‍ന്ന് മാളികപ്പുറത്തേക്കുമാണ് നറുക്കെടുപ്പ്. ശബരിമലയിലേക്ക് 15 പേരും മാളികപ്പുറത്തേക്ക് 11 പേരുമാണ് മേല്‍ശാന്തി പട്ടികയിലുള്ളത്.