ബംഗളൂരു: ബംഗളൂരു നഗരത്തില്‍ ആര്‍.എസ്.എസ് പ്രവര്‍ത്തകന്‍ കുത്തേറ്റു മരിച്ചു. ഇന്നലെ രാവിലെ 11.30ഓടെ എം.ജി റോഡിലായിരുന്നുസംഭവം. ആര്‍.എസ്.എസ് ശിവജി നഗര്‍ ശാഖാ മണ്ഡലം പ്രസിഡന്റ് ആര്‍. രുദ്രേഷാ(35)ണ് കൊല്ലപ്പെട്ടത്. ബൈക്കിലെത്തിയ രണ്ട് യുവാക്കളാണ് ഇയാളെ കുത്തികൊലപ്പെടുത്തിയതെന്ന് ദൃക്‌സാക്ഷികളെ ഉദ്ധരിച്ച് പൊലിസ് പറഞ്ഞു. ബൈക്കില്‍ ആര്‍.എസ്.എസ് നടത്തുന്ന റൂട്ട് മാര്‍ച്ചില്‍ പങ്കെടുക്കാനായി വരികയായിരുന്നു ഇയാള്‍. കാമരാജ് റോഡില്‍ ഒരു ക്ഷേത്രത്തിന് മുന്നില്‍ ബൈക്ക് നിര്‍ത്തി സുഹൃത്തുക്കളുമായി സംസാരിച്ചു നില്‍ക്കുമ്പോഴാണ് സംഘം ബൈക്കിലെത്തി ഇയാളെ കുത്തിവീഴ്ത്തിയത്.