അഹമ്മദാബാദ്: കബഡി ലോകകപ്പില്‍ മൂന്നാം വിജയത്തോടെ ഇന്ത്യ സെമി സാധ്യതകള്‍ സജീവമാക്കി. അര്‍ജന്റീനയെ 74-20 എന്ന സ്‌കോറിനു കീഴടക്കിയാണ് ഇന്ത്യയുടെ ജയം.
ലോകകപ്പിലെ ഒരു മത്സരത്തില്‍ ഏറ്റവും കൂടുതല്‍ ടാക്കിളുകള്‍ നടത്തിയ ടീമെന്ന റെക്കോര്‍ഡും ഒപ്പം 54 പോയിന്റിന്റെ വ്യത്യാസത്തില്‍ വലിയ വിജയം സ്വന്തമാക്കുന്ന ടീമെന്ന റെക്കോര്‍ഡും കുറിച്ചാണ് ഇന്ത്യയുടെ വിജയം. നാലു മത്സരങ്ങളില്‍ മൂന്നു വിജയവുമായി ഇന്ത്യ ഗ്രൂപ്പ് എയില്‍ 16 പോയിന്റോടെ രണ്ടാം സ്ഥാനത്ത്. നാളെ നടക്കുന്ന അവസാന ഗ്രൂപ്പ് മത്സരത്തില്‍ ഇന്ത്യ- ഇംഗ്ലണ്ടിനെ നേരിടും.