പഴയങ്ങാടി: പ്രതിഭാ ടാക്കീസിന് സമീപം റിട്ട: സി.ആര്‍.പി.എഫ് ജവാന്‍ പുതിയ പുരയില്‍ ജയരാജന്റെ വീട്ടില്‍ നിന്നാണ് 16 പവന്‍ സ്വര്‍ണാഭരണം കവര്‍ന്നത്. കഴിഞ്ഞ വെള്ളിയാഴ്ച വീട് പൂട്ടി കാഞ്ഞങ്ങാട് പള്ളിക്കരയിലെ വീട്ടില്‍ താമസിക്കാന്‍ പോയതായിരുന്നു. തിരിച്ച് ഇന്നലെ വീട്ടിലെത്തിയപ്പോഴാണ് മോഷണം നടന്നത് അറിയുന്നത്. പഴയങ്ങാടി പൊലിസ് സ്ഥലത്തെത്തി പരിശോധന നടത്തി.

വളകള്‍, കമ്മലുകള്‍ മാലകള്‍, അരഞ്ഞാണം എന്നിവയാണ് മോഷണം പോയത്. വീടിന്റെ രണ്ടാം നിലയിലെ പിറക് വശത്തേ ഡോര്‍ തകര്‍ത്താണ് മോഷണം നടത്തിയത്. മൂന്ന് ബെഡ് റൂമിലെ ഷെല്‍ കുത്തിത്തുറന്ന നിലയിലാണ്.