അനന്ത്‌നാഗ്: തെക്കന്‍ കശ്മിരിലെ അനന്ത്‌നാഗില്‍ സൈനിക വേഷത്തിലെത്തിയ തീവ്രവാദികള്‍ ടി.വി ടവറിന് സംരക്ഷണം നല്‍കുന്ന പൊലിസ് ഗാര്‍ഡ് റൂമില്‍ അതിക്രമിച്ച് കടന്ന് അഞ്ച് റൈഫിളുകളുമായി കടന്നുകളഞ്ഞതായി പൊലിസ്.

ഞായറാഴ്ച രാത്രി 12.30 ഓടെയായിരുന്നു സംഭവം. മൂന്ന് എസ്.എല്‍.ആര്‍ റൈഫിള്‍സ്, ഒരു കാര്‍ബൈന്‍ റൈഫിള്‍, ഒരു ഐ.എന്‍.എസ്.എ.എസ് റൈഫിള്‍ എന്നിവയാണ് തീവ്രവാദികള്‍ തട്ടിയെടുത്തത്. സംഭവത്തെ തുടര്‍ന്ന് പ്രദേശത്ത് കനത്ത ജാഗ്രതാ നിര്‍ദ്ദേശം പുറപ്പെടുവിച്ചു. തീവ്രവാദികള്‍ക്കായുള്ള തെരച്ചില്‍ തുടരുകയാണ്.