പനാജി: ഇന്ത്യ-നേപ്പാള്‍ ഉന്നതതല സംയുക്തയോഗം ഈ മാസം അവസാനം ഡല്‍ഹിയില്‍ നടക്കും. ഇരു രാജ്യങ്ങളും തമ്മില്‍ നടപ്പാക്കിക്കൊണ്ടിരിക്കുന്ന പദ്ധതികളുടെ ത്വരിതഗതിയിലുള്ള നടത്തിപ്പ് അവലോകനം ചെയ്യുന്നതിനാണ് യോഗം.


ഗോവയില്‍ നടന്ന ബ്രിസ്‌ക് ഉച്ചകോടിക്കിടെ ഇരു രാജ്യങ്ങളുടേയും പ്രതിനിധികള്‍ നടത്തിയ ഉഭയകക്ഷി ചര്‍ച്ചയിലാണ് ഇക്കാര്യത്തില്‍ തീരുമാനമായത്.


ഇന്ത്യയും നേപ്പാളും  സംയുക്തമായി ഊര്‍ജബാങ്ക് തുടങ്ങാമെന്ന ആശയമുള്‍പ്പെടെയുള്ള പദ്ധതികളുടെ നടത്തിപ്പാണ് യോഗത്തില്‍ ഉദ്ദേശിക്കുന്നതെന്ന് വിദേശകാര്യ വക്താവ് വികാസ് സ്വരൂപ് അറിയിച്ചു.


ഇരു രാജ്യങ്ങളും തമ്മിലുള്ള ഉഭയകക്ഷി സഹകരണം മെച്ചപ്പെടുത്തുന്നതിനെ കുറിച്ചും യോഗം ചര്‍ച്ച ചെയ്യും.