ആപത്തില്‍ സഹായിക്കുന്നതയാളാണ് യഥാര്‍ഥ സുഹൃത്ത്. അതു മനുഷ്യന്‍ തന്നെയാവണമെന്നില്ലെന്നു തെളിയിക്കുകയാണ് ഇവിടെ ഒരു വീഡിയോ. വെള്ളത്തില്‍ 'മുങ്ങിത്താഴുന്ന' യുവാവിനെ പുഴയുടെ അക്കരെ നിന്ന് ഓടിയെത്തി വാരിപ്പുണര്‍ന്ന് രക്ഷിക്കുകയാണ് ഒരു ആനക്കുട്ടി.

ഒക്ടോബര്‍ 12ന് പോസ്റ്റ് ചെയ്ത വീഡിയോ ഇതിനകം 24 ലക്ഷം പേര്‍ കണ്ടുകഴിഞ്ഞു.

വടക്കന്‍ തായ്‌ലാന്റില്‍ നിന്നുള്ളതാണ് ദൃശ്യങ്ങള്‍. ഖാം ലാ എന്ന ആനക്കുട്ടിയും പരിശീലകന്‍ ഡാറിക്കും തമ്മിലുള്ള സ്‌നേഹത്തിന്റെ നിമിഷങ്ങളാണ് വീഡിയോയില്‍ പകര്‍ത്തിയിരിക്കുന്നത്.

സ്‌നേഹം കൊടുത്താല്‍ തിരിച്ചുകിട്ടുക തന്നെ ചെയ്യും, അതു മൃഗത്തില്‍ നിന്നായാലും എന്നു തെളിയിക്കുകയാണ് വീഡിയോ.