ആലുവ: തുരുത്ത് റോട്ടറി ഗ്രാമദളം ലൈബ്രറിയുടെ ആഭിമുഖ്യത്തില്‍ സാംസ്‌കാരിക സമ്മേളനം നടത്തി. അന്‍വര്‍ സാദത്ത് എം.എല്‍.എ ഉദ്ഘാടനം ചെയ്തു. ഉന്നത വിദ്യാഭ്യാസം നേടുന്നതോടൊപ്പം സാംസ്‌കാകാരിക മൂല്യങ്ങള്‍ ജീവിതത്തില്‍ ഉയര്‍ത്തിപ്പിടിക്കാന്‍ വിദ്യാര്‍ത്ഥികള്‍ ശ്രമിക്കണം.
മൂല്യബോധമുള്ള സമൂഹത്തെ വാര്‍ത്തെടുക്കുന്നതില്‍ സാംസ്‌കാകാരിക വിദ്യാഭ്യാസ കേന്ദ്രങ്ങളായ വായനശാലകളുടെ പങ്ക് വലുതാണെന്നും എം.എല്‍.എ പറഞ്ഞു.
ലൈബ്രറി പ്രസിഡന്റ് പി.സി സതീഷ് കുമാര്‍ അധ്യക്ഷത വഹിച്ചു. പുരോഗമന കലാസാഹിത്യസംഘം ജില്ലാ സെക്രട്ടറി കെ രവികുട്ടന്‍ മുഖ്യപ്രഭാഷണം നടത്തി. ചെങ്ങമനാട് ഗ്രാമപഞ്ചായത്ത് പ്രസിഡന്റ് പി.ആര്‍ രാജേഷ് വിദ്യാഭ്യാസ പുരസ്‌കാരങ്ങള്‍ നല്‍കി.
താലൂക്ക് ലൈബ്രറി കൗണ്‍സില്‍ സെക്രട്ടറി വി.കെ ഷാജി, പഞ്ചായത്തംഗങ്ങളായ ഗായത്രിവാസന്‍, മനോജ് പി മൈലന്‍, ലൈബ്രറി സെക്രട്ടറി കെ.പി അശോകന്‍, ജോ. സെക്രട്ടറി എസ് രാധാകൃഷ്ണന്‍ എന്നിവര്‍ സംസാരിച്ചു. ചടങ്ങില്‍ മെഡിക്കല്‍ പ്രവേശനം നേടിയ അഫ്‌നിത കെ.എ, പെരിയാര്‍ നീന്തിക്കടന്ന നാലാംക്ലാസ് വിദ്യാര്‍ഥിനി ജെ കൃഷ്ണ എന്നിവരെ അനുമോദിച്ചു.