തൃപ്പൂണിത്തുറ: വാടകവീട്ടില്‍ കഞ്ചാവ് ചെടി നട്ടുവളര്‍ത്തിയ യുവാവിനെ തൃപ്പൂണിത്തുറ പൊലിസ് അറസ്റ്റ് ചെയ്തു. പട്ടാമ്പി തൃത്താല സ്വദേശി വേട്ടപറമ്പില്‍ മുഹമ്മദ് മുര്‍ഷിദ് (21)നെയാണ് എസ്.ഐ.എസ് സനല്‍, റെജി പി.എന്‍ എന്നിവര്‍ ചേര്‍ന്ന് പിടികൂടിയത്. തെക്കുഭാഗം മിഷന്‍ സ്‌കൂളിന് സമീപം മിഷന്‍ സ്‌കൂള്‍ റസിഡന്‍സ് അസോസിയേഷനിലെ ഒരു വീട്ടില്‍ വാടകയ്ക്കു താമസിക്കുകയായിരുന്നു ഇയാള്‍ മൂന്ന് കഞ്ചാവ് ചെടികളാണ് വീട്ടുമുറ്റത്ത് നട്ടുവളര്‍ത്തിയിരുന്നത്.
കഞ്ചാവ് ഉപയോഗിക്കുന്ന പ്രതി ഉപയോഗത്തിനും വില്‍പനയ്ക്കും വേണ്ടിയാണ് ചെടി വളര്‍ത്തിയത്. ഏകദേശം മൂന്നുമാസം പ്രായമുള്ള കഞ്ചാവ് ചെടികളാണ് വീട്ടില്‍ നിന്നും കണ്ടെത്തിയത്. പ്രതിയെ ഇന്ന് കോടതിയില്‍ ഹാജരാക്കും.