വിഴിഞ്ഞം: കുഞ്ഞിന് വാങ്ങി നല്‍കിയ ചോക്ലേറ്റ് മിഠായിയില്‍ പുഴുവെന്ന് പരാതി.
വെങ്ങാനൂര്‍ പെരിങ്ങമ്മലയിലെ മാര്‍ജിന്‍ ഫ്രീ ഷോപ്പില്‍ നിന്നും വാങ്ങിയ ചോക്ലേറ്റിലാണ് പുഴുവിനെ കണ്ടെത്തിയത്. കട്ടച്ചല്‍കുഴി സ്വദേശി അനില്‍കുമാറാണ് പരാതിക്കാരന്‍. മൂന്ന് ചോക്ലേറ്റുകളാണ് അനില്‍ കുമാര്‍ ഇവിടെ നിന്നും വാങ്ങിയത്. വീട്ടിലെത്തി അഞ്ചുവയസുകാരിയായ മകള്‍ക്ക് ഇത് നല്‍കിയിരുന്നു. ചോക്ലേറ്റ് കഴിച്ചതിനു ശേഷം ശാരീരികാസ്വാസ്ഥ്യം പ്രകടിപ്പിച്ചതിനെ തുടര്‍ന്ന് കുഞ്ഞിനെ സമീപത്തെ ആശുപത്രിയില്‍ പ്രവേശിപ്പിച്ചു.
കഴിച്ച ഭക്ഷണത്തെക്കുറിച്ച് ഡോക്ടര്‍ സംശയം പ്രകടിപ്പിച്ചതിനെ തുടര്‍ന്ന് വീട്ടിലെത്തി ബാക്കിയുള്ള ചോക്ലേറ്റ് പരിശോധിച്ചപ്പോഴാണ് പുഴുക്കളെ കണ്ടെത്തിയത്.