മ്യൂണിക്ക്: ജര്‍മന്‍ ബുണ്ടസ് ലീഗയില്‍ കൊളോണ്‍, ലെയ്പിസിഗ് ടീമുകളുടെ അപ്രതീക്ഷിത കുതിപ്പ്. കഴിഞ്ഞ ദിവസം ലെയ്പ്‌സിഗ് കരുത്തരായ വോള്‍വ്‌സ്ബര്‍ഗിനെ 1-0ത്തിനു അട്ടിമറിച്ച് പോയിന്റ് പട്ടികയില്‍ മൂന്നാം സ്ഥാനത്തേക്ക് കയറി. കൊളോണ്‍, ലെയ്പ്‌സിഗ് ടീമുകള്‍ തോല്‍വി അറിയാതെയാണ് കുതിക്കുന്നത്. ഏഴു മത്സരങ്ങള്‍ പൂര്‍ത്തിയായപ്പോള്‍ നാലു വീതം ജയവും മൂന്നു സമനിലകളുമായി കൊളോണ്‍ രണ്ടാം സ്ഥാനത്തും ലെയ്പ്‌സിഗ് മൂന്നാമതും. ഇരു ടീമുകള്‍ക്കും ഒന്നാം സ്ഥാനത്തുള്ള ബയേണ്‍ മ്യൂണിക്കുമായി രണ്ടു പോയിന്റ് വ്യത്യാസം മാത്രം. ബയേണിനു 17ഉം കൊളോണിനും ലെയ്പ്‌സിഗിനും 15 വീതവും പോയിന്റ്.
മാഡ്രിഡ്: സ്പാനിഷ് ലാ ലിഗയില്‍ വിയ്യാറല്‍, വലന്‍സിയ ടീമുകള്‍ക്ക് വിജയം. വിയ്യാറല്‍ മറുപടിയില്ലാത്ത അഞ്ചു ഗോളുകള്‍ക്ക് സെല്‍റ്റ വിഗോയേയും വലന്‍സിയ 2-1നു സ്‌പോര്‍ടിങ് ഗിജോണിനേയും കീഴടക്കി.
മിലാന്‍: ഇറ്റാലിയന്‍ സീരി എയില്‍ എ.സി മിലാനു വിജയം. ഒന്നിനെതിരേ മൂന്നു ഗോളുകള്‍ക്ക് അവര്‍ ചീവോയെ കീഴടക്കി.