അഞ്ചല്‍: വീടിന്റെ മേല്‍ക്കൂരയില്‍ ടാര്‍പ്പ കെട്ടുന്നതിനിടെ കാല്‍തെറ്റി കിണറ്റില്‍വീണ് യുവാവ് മരിച്ചു.
ആയൂര്‍ തച്ചക്കോട് അജയവിലാസത്തില്‍ (ചരുവിളപുത്തന്‍വീട്) ഭാല്കരന്റെ മകന്‍ അജയ(34)നാണ് മരിച്ചത്. അജയനും മറ്റ് രണ്ടുപേരും ചേര്‍ന്ന് അയല്‍വാസിയുടെ വീട്ടിലെ മേല്‍ക്കൂരയിലെ പൊട്ടിയ ഓടുകള്‍ക്ക് മുകളില്‍ ടാര്‍പ്പ കെട്ടുന്നതിനിടെയായിരുന്നു അപകടം. പുനലൂരില്‍നിന്നും ഫയര്‍ഫോഴ്‌സെത്തിയാണ് മൃതദേഹം പുറത്തെടുത്തത്.അഞ്ചല്‍ പൊലിസ് സ്ഥലത്തെത്തി മേല്‍നടപടികള്‍ സ്വീകരിച്ചശേഷം മൃതദേഹം പോസ്റ്റുമാര്‍ട്ടത്തിനായി പുനലൂര്‍ താലൂക്ക് ആശുപത്രിയിലേക്ക് മാറ്റി.