കരുനാഗപ്പള്ളി: ഓച്ചിറ സ്‌കൂളിന് സമീപം കഞ്ചാവ് വില്‍ക്കാനെത്തിയ യുവാവിനെ ഓച്ചിറ എസ്.ഐ.വിനോദ് ചന്ദ്രനും സംഘവും പിടികൂടി.
ഇയാളില്‍ നിന്നും പത്ത് പൊതികഞ്ചാവ് കണ്ടെടുത്തു.ഞക്കനാല്‍ തട്ടയ്ക്കാട്ട് കിഴക്കതില്‍ ഉണ്ണികുട്ടന്‍ (23) ആണ് പിടിയിലായത്. ഇയാള്‍ക്ക് കഞ്ചാവ് എത്തിച്ചുനല്‍കുന്ന മാവേലിക്കര സ്വദേശികള്‍ക്കായി അന്വേഷണം ആരംഭിച്ചതായും ഓച്ചിറ ക്ഷേത്രപരിസരം കേന്ദ്രീകരിച്ചും കഞ്ചാവ് മാഫിയ പ്രവര്‍ത്തിക്കുന്നുവെന്നും ഇവര്‍ ഉടന്‍ പിടിയിലാകുമെന്നും പൊലിസ് അറിയിച്ചു.