മേപ്പാടി: മേപ്പാടി കല്‍പ്പറ്റ റോഡ് നിര്‍മാണം ഏറ്റെടുത്ത കരാറുകാരനെ കരിമ്പട്ടികയില്‍ ഉള്‍പ്പെടുത്തണമെന്ന് കുന്നമംഗലം വയല്‍ ഗ്രാമ ദീപം വായനശാല പ്രവര്‍ത്തക യോഗം ആവശ്യപ്പെട്ടു. പൊതു ജനങ്ങളുടെ യാത്രാവകാശം നിഷേധിക്കുന്ന തരത്തില്‍ ധിക്കാര നടപടികളുമായി നീങ്ങുന്ന കരാറുകാരനെയും റോഡ് പ്രവൃത്തി നീട്ടി കൊണ്ടുപോകാന്‍ ഒത്താശ ചെയ്യുന്ന ഉദ്യോഗസ്ഥര്‍ക്കെതിരെയും നിയമ നടപടി സ്വീകരിക്കണമെന്നും യോഗം ആവശ്യപ്പെട്ടു. പ്രസിഡന്റ് കെ.പി ഹൈദരലി അധ്യക്ഷനായി. കെ റഹനീഫ്, സി സലാഹുദ്ദീന്‍, വി ഉമ്മര്‍, കെ സാദിഖ്, കെ സനീഷ്, കെ ജാഫര്‍, പി അന്‍ഫര്‍ സംസാരിച്ചു.