മുംബൈ: മുംബൈയിലെ ബഹുനില കെട്ടിടത്തിലുണ്ടായ തീപ്പിടുത്തത്തില്‍ രണ്ടു പേര്‍ മരിച്ചു. നരിമാന്‍ പോയിന്റിലെ മേക്കര്‍ ടവര്‍ കെട്ടിടത്തിലാണ് തീപ്പിടിച്ചത്. സംഭവത്തില്‍ 11 പേരെ രക്ഷപ്പെടുത്തി.

പുലര്‍ച്ചെ 6.30ഓടെയായിരുന്നു തീപ്പിടുത്തം. തീപ്പിടുത്തത്തില്‍ രണ്ടു ഫ്‌ളാറ്റുകള്‍ പൂര്‍ണമായും അഗ്നിക്കിരയായി. ഫഌറ്റിലെ 20ാം നിലയിലാണ് തീപ്പിടിച്ചത്. തീ നിയന്ത്രണവിധേയമാക്കാനായതായി അഗ്നിശമന സേന അധികൃതര്‍ അറിയിച്ചു. എട്ടു ഫയര്‍ എന്‍ജിനുകള്‍ സംഭവസ്ഥലത്തെത്തിയിട്ടുണ്ട്. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക വിലയിരുത്തല്‍.