വടകര: വില്ല്യാപ്പള്ളി മംഗലാട് നടന്ന അക്രമത്തില്‍ രണ്ടുപേര്‍ക്ക് പരുക്ക്. മുസ്‌ലിംലീഗ് പ്രവര്‍ത്തകന്‍ അഞ്ചുകണ്ടം കണ്ടിയില്‍ നൗഷാദ്(40), എസ്.ഡി.പി.ഐ പ്രവര്‍ത്തകന്‍ അമരാവതിയില്‍ ആഷിഖ്(34) എന്നിവര്‍ക്കാണ് പരുക്കേറ്റത്.
ഞായറാഴ്ച രാത്രി ഒന്‍പത് മണിയോടെയാണ് അക്രമം. പതിനഞ്ചോളം വരുന്ന സി.പി.എം പ്രവര്‍ത്തകര്‍ നൗഷാദിന്റെ വീട്ടില്‍ കയറി അക്രമിക്കുകയായിരുന്നുവെന്ന് പറയുന്നു. ഇതുകഴിഞ്ഞാണ് വാഹനത്തില്‍ പോവുകയായിരുന്ന ആഷിഖിനും മര്‍ദനമേറ്റത്.
ഇരുവരും വടകരയിലെ സ്വകാര്യ ആശുപത്രിയില്‍ ചികിത്സ തേടി. യാതൊരു പ്രകോപനവുമില്ലാതെ സി.പി.എം പ്രവര്‍ത്തകര്‍ അക്രമിക്കുകയായിരുന്നുവെന്ന് നൗഷാദ് പറഞ്ഞു.