കൊയിലാണ്ടി: പരിശുദ്ധ ഹജ്ജ് വേളയില്‍ ലക്ഷക്കണക്കിന് ഹാജിമാരെ പരിചരിക്കുന്നതില്‍ മുന്‍പന്തിയില്‍ നിന്നത് വിഖായ പ്രവര്‍ത്തകരാണന്നും സമൂഹത്തില്‍ വലിയ മാറ്റങ്ങള്‍ക്ക് അവര്‍ വഹിക്കുന്ന പങ്ക് നിസ്തുലമാണെന്നും പി.എസ്.സി അംഗം ടി.ടി ഇസ്മായില്‍. കൊല്ലം പാറപ്പള്ളി മഖാം പരിസരത്ത് നടന്ന വിഖായ ജില്ലാ ട്രെയ്‌നിങ് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. രാവിലെ മഖാം സിയാറത്തിന് മുഹമ്മദലി ദാരിമി നേതൃത്വം നല്‍കി. പാറപ്പള്ളി മഹല്ല് ഖാസി കരീം ദാരിമി പതാക ഉയര്‍ത്തി. ജനാസ സംസ്‌കരണം, വിഖായ മെഡിറ്റേഷന്‍, ആത്മീയത, ട്രാഫിക് ബോധവല്‍ക്കരണം, ഹെല്‍പ്പ് ഡെസ്‌ക്, സഹചാരി ഹോംകെയര്‍ എന്നീ സെഷനുകള്‍ക്ക് യഥാക്രമം ഷെഫീഖ് ദാരിമി, ശമീം ഫൈസി മഞ്ചേരി, ടി.വി.സി അബ്ദുസ്സമദ് ഫൈസി, എം.വി.ഐ ദിലു കൊല്ലം, ഖാലിദ് ചെമ്മാട്, ഡോ. അമീര്‍ അലി നേതൃത്വം നല്‍കി.
വിഖായ സംസ്ഥാന ജനറല്‍ കണ്‍വീനര്‍ അബ്ദുസ്സലാം ഫറോക്ക്  അധ്യക്ഷനായി. സയ്യിദ് ടി.പി.സി തങ്ങള്‍, ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി, സംസ്ഥാന വര്‍ക്കിങ് റഷീദ് ഫൈസി വെള്ളായിക്കോട്, കുഞ്ഞാലന്‍കുട്ടി ഫൈസി, ഒ.പി.എം മുഹമ്മദ് അഷ്‌റഫ്, നൂറുദ്ദീന്‍ ഫൈസി ഓമശ്ശേരി, അഷ്‌റഫ് മൗലവി, അബ്ദുസ്സലാം ദാരിമി കരുവാരക്കുണ്ട്, ശഹ്‌റബില്‍, നിസാം ഓമശ്ശേരി, മിദ്‌ലാജ് താമരശ്ശേരി, ജാബിര്‍ കൈതപ്പൊയില്‍, പി.ടി മുഹമ്മദ് ഓമശ്ശേരി, ശുഹൈബ് ദാരിമി കൊയിലാണ്ടി, മൂസ ഹാജി കുട്ടോത്ത്, അന്‍സാര്‍ കൊല്ലം, ജുനൈദ് പാറപ്പള്ളി, ഷഫീഖ് കായലം, അനസ് മാടാക്കര പ്രസംഗിച്ചു. വിഖായ ജില്ലാ ചെയര്‍മാന്‍ ഗഫൂര്‍ ഓമശ്ശേരി സ്വാഗതവും ജനറല്‍ കണ്‍വീനര്‍ അന്‍വര്‍ നല്ലളം നന്ദിയും പറഞ്ഞു.