കണ്ണൂര്‍: ആയിക്കരയിലെ ഒരു വീട്ടില്‍ നിന്നും പൊലിസ് ആയുധശേഖരം പിടികൂടി.
ആഷിഖ് എന്നയാളുടെ വീട്ടില്‍ ഇന്നലെ രാത്രി 10.30 ഓടെ പൊലിസ് നടത്തിയ റെയ്ഡിലാണ് ആയുധങ്ങള്‍ പിടികൂടിയത്. രഹസ്യവിവരത്തെ തുടര്‍ന്ന് സിറ്റി സി.ഐ കെ.വി പ്രമോദിന്റെ നിര്‍ദേശാനുസരണം എസ്.ഐ കെ.ഒ പ്രദീപനും സംഘവും നടത്തിയ റെയ്ഡിലാണ് വീടിന്റെ മുകള്‍നിലയില്‍ ഒളിപ്പിച്ചുവച്ച നിലയില്‍ കത്തികള്‍, വാളുകള്‍, ഇടിക്കട്ട, സൈക്കിള്‍ ചെയിന്‍ തുടങ്ങിയവ കണ്ടെത്തിയത്.
ആഷിഖിനെ പൊലിസ് കസ്റ്റഡിയിലെടുത്തു. തന്റെ ഒരു സുഹൃത്ത് ഗള്‍ഫില്‍ പോകുമ്പോള്‍ ഒരു സഞ്ചിയിലിട്ടു സൂക്ഷിക്കാന്‍ ഏല്‍പിച്ചവയാണ് ഇതെന്നാണ് ഇയാള്‍ പൊലിസിനോടു പറഞ്ഞത്. എന്നാല്‍ പൊലിസ് ഇക്കാര്യം വിശ്വസിച്ചിട്ടില്ല. ഇയാളെ ചോദ്യം ചെയ്തുവരികയാണ്.