പഴയങ്ങാടി: താവത്ത് വീണ്ടും  വിദേശ മദ്യവേട്ട യുവാവ് പിടിയില്‍. അരലിറ്റര്‍ വീതമുള്ള 36 കുപ്പി വിദേശ മദ്യവുമായി ഉദിനൂര്‍  കിനാത്തില്‍ സ്വദേശി  ടി.വി. ബിജു(36) നെയാണ് കണ്ണപുരം  പൊലിസ് പിടികൂടിയത്. താവത്ത് ബവ്‌റീജിയസ് കോര്‍പ്പറേഷന്റെ ഔട്ട് ലറ്റില്‍ നിന്നും വാങ്ങിയതാണ് പിടികൂടിയ മദ്യം.  ഇന്നലെ ഉച്ചക്ക് 12.30ഓടെ സ്‌ക്കൂട്ടറില്‍ മദ്യവുമായി പഴയങ്ങാടി ഭാഗത്തേക്ക് പോകുന്നതിനിടെയാണ് ബിജുവിനെ പൊലീസ് പിടികൂടിയത്.  10 ദിവസം മുമ്പ് വയക്കര സ്വദേശിയെ 50 കുപ്പി മദ്യവുമായി  പൊലിസ് പിടികൂടിയിരുന്നു. ബവ്‌റീജിയസ്  കോര്‍പ്പറേഷന്‍ ഔട്ട് ലറ്റില്‍ നിന്ന്  ഒരാള്‍ക്ക് മൂന്നര ലിറ്റര്‍ മദ്യം മാത്രമെ നല്‍കാന്‍ പറ്റുകയുളളു.
എന്നാല്‍ അധികൃതരുടെ ഒത്താശയോടുകൂടി ഇത്തരത്തില്‍  അനധികൃത വില്‍പ്പന നടത്തുന്നതെന്ന് പരാതിയുണ്ട്.  ഇടത് ട്രേഡ് യൂണിയന്‍ നേതാവാണ് ഇപ്പോള്‍ താവം ബവ്‌റീജസ് ഔട്ട് ലറ്റിന്റെ  മനേജിംഗ്  ഇന്‍ചാര്‍ജ്  വഹിക്കുന്നത്.  ഇത്തരത്തിലുളള  അനധികൃത  വില്‍പനയില്‍ ഇവര്‍ക്കുളള പങ്ക് അന്വേഷിക്കണമെന്നും പരാതി ഉയര്‍ന്നിട്ടുണ്ട്.