ഉരുവച്ചാല്‍: ഉരുവച്ചാല്‍ പഴശ്ശിയില്‍ തെരുവുനായകള്‍ 70 കോഴികളെ കടിച്ചുകൊന്നു. അല്‍ഫലാഹില്‍ അബ്ദുല്ലയുടെ വീടിന്റെ പുറകുവശത്തെ കൂട്ടില്‍ ഉണ്ടായിരുന്ന കോഴികളെയാണ് കൂടുതകര്‍ത്ത് അകത്തു കയറി കൊന്നത്. ഒരുവര്‍ഷത്തോളമായി നാടന്‍ കോഴികളെ വീട്ടുകാര്‍ വളര്‍ത്തിവരികയായിരുന്നു. ഇന്നലെ രാവിലെയാണ് വീട്ടുകാര്‍ കോഴികളെ ചത്ത നിലയില്‍ കണ്ടത്. പ്രദേശത്ത് തെരുവുനായ ശല്യം വഴിയാത്രക്കാരെയും വിദ്യാര്‍ഥികളെയും ഭീതിയിലാക്കിയിരിക്കുകയാണ്.