മാണ്ഡി: ഇന്ത്യയുടെ സൈനിക ശക്തി എന്താണെന്ന് ബോധ്യപ്പെടുത്താന്‍ സൈനികര്‍ക്ക് കഴിഞ്ഞുവെന്ന് പ്രധാനമന്ത്രി നരേന്ദ്രമോദി. സേന നേടിയ വിജയത്തിന് നൂറ് സല്യൂട്ട് നല്‍കുന്നുവെന്നും പ്രധാനമന്ത്രി ഹിമാചലില്‍ റാലിയില്‍ പറഞ്ഞു.

മിന്നലാക്രമണത്തില്‍ സേന നേടിയ വിജയത്തില്‍ രാജ്യം അഭിമാനിക്കുന്നു. രാജ്യത്തിന്റെ ശക്തി എന്തെന്ന് ലോകത്തിന് കാട്ടികൊടുക്കാന്‍ പ്രതിരോധ സേനകള്‍ക്ക് കഴിഞ്ഞു.

ലോകം സംസാരിക്കുന്നത് ഇന്ത്യന്‍ സൈന്യത്തെകുറിച്ചാണ്. ഇതിനു മുന്‍പ് ഇസ്രാഈല്‍ സൈന്യത്തെക്കുറിച്ചായിരുന്നു ലോകം സംസാരിച്ചുകൊണ്ടിരുന്നത്. ഇപ്പോള്‍ നമ്മുടെ സൈന്യത്തിന് ഒന്നും അപ്രാപ്യമല്ലെന്ന് എല്ലാവര്‍ക്കും അറിയാമെന്നും മോദി പറഞ്ഞു.