ആലപ്പുഴ: പലിശക്ക് പണം നല്‍കുന്നതിന്റേയും ഇന്‍സ്റ്റാള്‍മെന്റ് തുണിക്കച്ചവടത്തിന്റേയും മറവില്‍ കായംകുളം ക്യഷ്ണപുരം ഭാഗങ്ങളില്‍ വിദ്യാര്‍ഥികള്‍ക്കും യുവാക്കള്‍ക്കും ബൈക്കില്‍ കഞ്ചാവ് വിതരണം ചെയ്യുന്ന തമിഴ്‌നാട് സ്വദേശി പിടിയില്‍.ക്യഷ്ണപുരം അമ്പലത്തിനു പുറകില്‍ വീട് വാടകക്കെടുത്ത് താമസിക്കുന്ന തമിഴ്‌നാട് ഡിണ്ടിഗല്‍ ജില്ലയില്‍ ഒറ്റച്ചത്രം താലൂക്കില്‍ കാര്‍ത്തിക്(24) ആണ് എക്‌സൈസ് സംഘത്തിന്റെ പിടിയിലായത്.
100 പൊതി (200 ഗ്രാം) കഞ്ചാവുമായി കായംകുളം സി പി സി ആര്‍ ഐ യുടെ പ്രധാന ഗേറ്റിനു മുന്‍ വശം വെച്ച് ആലപ്പുഴ എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റീ നാര്‍കോട്ടിക് സ്‌പെഷ്യല്‍ സ്‌ക്വാഡിലെ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ ആര്‍ ബാബുവും ചേര്‍ന്നാണ് ഇയാളെ പിടികൂടിയത്.ഇയാള്‍ ഉപയോഗിച്ചിരുന്ന ബൈക്കും എക്‌സൈസ് പിടിച്ചെടുത്തു. പ്രതിയെ കോടതി റിമാന്‍ഡ് ചെയ്തു.