ചാലക്കുടി: പീപ്പിള്‍ ആര്‍ട്‌സ് സെന്റര്‍ ചാലക്കുടിയുടെ നാടകവാരത്തിന്  കൂടപ്പുഴ ഫാസ് ഓഡിറ്റോറിയത്തില്‍ തിരശീലയുയര്‍ന്നു. ഏഴു പ്രൊഫഷനല്‍ നാടകങ്ങള്‍ മാറ്റുരയ്ക്കുന്ന നാടകോത്സവത്തിന് തിരി തെളിയിച്ചത് നര്‍ത്തകരായ ആര്‍.എല്‍.വി ആനന്ദും ജയ ആനന്ദുമായിരുന്നു. തൃശൂര്‍ യമുനയുടെ വേലുത്തമ്പി ദളവയായിരുന്നു ഉദ്ഘാടന മത്സരത്തിനായി ഒരുക്കിയത്. പി.പി പോള്‍ അധ്യക്ഷനായി. സിനിമാതാരം ലിഷോയ്, സംവിധായകന്‍ ജയന്‍ തിരുമന, കണ്‍വീനര്‍ ജിജന്‍ മത്തായി തുടങ്ങിയവര്‍ സംസാരിച്ചു.
നാടകാവതരണത്തിന് മുന്‍പ് ആര്‍.എല്‍.വി ആനന്ദും, ജയ ആനന്ദും, അളകനന്ദ ആനന്ദും, ശ്രേയ വേണുഗോപാലും ചേര്‍ന്ന് നൃത്താവതരണം നടത്തി.