കോഴിക്കോട്: സംസ്ഥാനത്തിന്റെ വിവിധ മേഖലകളില്‍ വിപ്ലവകരമായ വികസന മുന്നേറ്റം കാഴ്ച വച്ച യു.ഡി.എഫ് സര്‍ക്കാരിന് ഭരണത്തുടര്‍ച്ച നല്‍കണമെന്ന് ഫാറൂഖ് കോളജില്‍ നടന്ന കോണ്‍ഫഡറേഷന്‍ ഓഫ് കേരള കോളജ് ടീച്ചേഴ്‌സ് (സി.കെ.സി.ടി) ജില്ലാ കമ്മിറ്റി യോഗം ആഹ്വാനം ചെയ്തു. കേരളത്തെ സോമാലിയയോട് ഉപമിച്ച പ്രധാനമന്ത്രിയുടെ പ്രസ്താവനയില്‍ യോഗം കടുത്ത പ്രതിഷേധം രേഖപ്പെടുത്തി.
ജില്ലാ പ്രസിഡന്റ് ഡോ. എം. അബൂബക്കര്‍ സിദ്ദീഖ് ദാരിമി അധക്ഷനായി.  ഡോ. പി. മുജീബ് നെല്ലിക്കുത്ത്, പ്രൊഫ. അബ്ദുല്‍ മജീദ്, പ്രൊഫ. സി. മൈമൂനത്ത്, ഡോ. എ.ടി അബ്ദുല്‍ ജബ്ബാര്‍ സംസാരിച്ചു.