കൊളത്തൂര്‍: മൂര്‍ക്കനാട് പഞ്ചായത്തിലെ കുറുപ്പത്താല്‍ ടൗണിലെ സ്‌ലാബ് തകര്‍ന്നിട്ടു മാസങ്ങളോളമായി. കാല്‍നട യാത്രക്കാര്‍ മുതല്‍ വാഹനയാത്രക്കാര്‍ക്കുവരെ ഈ ചതിക്കുഴി ഭീഷണിയാകുന്നു. ഒരു മാസം മുമ്പു കുഴിയില്‍ കാല്‍നട യാത്രികന്‍ വീണു സാരമായി പരുക്കേറ്റിരുന്നു.
ആഴ്ച്ചകള്‍ക്കു മുന്‍പു ഒരു സ്‌കൂട്ടര്‍  ഇതേ കുഴിയില്‍ വീണും അപകടം സംഭവിച്ചിരുന്നു.
രാത്രിയായാല്‍ ടൗണില്‍ ആകെ തെളിയുന്നതു രണ്ട് സ്ട്രീറ്റ് ലൈറ്റുകള്‍ മാത്രം. ഓരോ വൈദ്യുതി പോസ്റ്റിലും വെളിച്ചം തെളിഞ്ഞിരുന്നു എന്നാല്‍ ഇന്നിവിടങ്ങളിലെല്ലാം രാത്രിയാകുന്നതോടെ ഇരുട്ടിലാകും. രാത്രിയായാല്‍  വെളിച്ചമില്ലാതെയാകുന്നതോടെ ഈ ചതിക്കുഴി കാല്‍നടയാത്രക്കാര്‍ക്ക് ഏറെ ഭീഷണിയാകുന്നു.