മഞ്ചേരി: 10 വയസുള്ള സ്‌കൂള്‍ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച ഓട്ടോഡ്രൈവര്‍ മഞ്ചേരി പൊലിസ് പിടിയില്‍. പുല്‍പ്പറ്റ സ്വദേശി ആലുക്കപറമ്പില്‍ ബഷീറിനാ(36)ണു കഴിഞ്ഞ ദിവസം പിടിയിലായത്. വിദ്യാര്‍ഥിനിയുടെ  മാതാപിതാക്കള്‍ ആശുപത്രിയിലേക്കു പോയ സമയത്ത്  ഇദ്ദേഹം ഭക്ഷണപ്പൊതികളുമായി  വിദ്യാര്‍ഥിനിയുടെ വീട്ടിലെത്തുകയും മറ്റു ചെറിയകുട്ടികളെ മുറിയില്‍ പൂട്ടിയിട്ടു പെണ്‍കുട്ടിയെ പീഡിപ്പിക്കാന്‍ ശ്രമിക്കുകയുമായിരുന്നു.
മദ്യപിച്ചായിരുന്നു ഇയാള്‍  വീട്ടിലെത്തിയിരുന്നത്.  സംഭവം പുറത്തു പറഞ്ഞാല്‍ കൊല്ലുമെന്നു പറഞ്ഞു ഭീഷണിപ്പെടുത്തുകയും ചെയ്തതായി പൊലിസ് പറഞ്ഞു. തുടര്‍ന്നു രക്ഷിതാക്കള്‍ വീട്ടിലെത്തിയപ്പോഴാണു സംഭവം പുറത്തറിഞ്ഞത്. പ്രതിയെ അറസ്റ്റ് ചെയ്യാന്‍ ശ്രമിച്ച പൊലിസ് ഉദ്യോഗസ്ഥരെ ഇയാള്‍ ഓട്ടോയിടിപ്പിച്ച് അപായപ്പെടുത്താനും ശ്രമം നടത്തി. തുടര്‍ന്ന് ഒളിവില്‍പോയ പ്രതിയെ  ഇക്കഴിഞ്ഞ 10നാണു മഞ്ചേരി പൊലിസ് പിടികൂടിയത്.  പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. ജില്ലാ പൊലിസ് മേധാവി ദബേഷ്‌കുമാര്‍ ബഹ്‌റക്കു ലഭിച്ച രഹസ്യ വിവരത്തിന്റെ അടിസ്ഥാനത്തിലാണു പ്രതിയെ പിടികൂടിയത്. മഞ്ചേരി സി.ഐ ബിജുവിന്റെ നേതൃത്വത്തില്‍  എസ്.ഐ കൈലാസ്‌നാഥും അന്വേഷണ ഉദ്യോഗസ്ഥരായ  ശ്രീകുമാര്‍, ഉണ്ണികൃഷ്ണന്‍ മാരാത്ത്, പി.സജ്ഞീവ് എന്നിവര്‍ ചേര്‍ന്നാണു പ്രതിയെ പിടികൂടിയത്.