കോഡൂര്‍: ലോക ദാരിദ്ര നിര്‍മാര്‍ജന ദിനത്തോടനുബന്ധിച്ച് വനിതകള്‍ക്ക് ദാരിദ്ര്യ ലഘൂകരണത്തിനായി വരുമാനദായക തൊഴില്‍ പരിശീലനം നല്‍കി. ചെമ്മങ്കടവ് പി.എം.എസ്.എ.എം.എ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാരാണ് ദത്തെടുത്ത പതിനാലാം വാര്‍ഡ് ഒറ്റത്തറയിലെ വീട്ടമ്മമാര്‍ക്ക് ഫെനോയില്‍, സോപ്പ് എന്നിവകളുടെ നിര്‍മാണത്തില്‍ പരിശീലനം നല്‍കിയത്.
ഒറ്റത്തറ ചാലാട് അങ്കണവാടിയില്‍ നടന്ന പരിശീലന പരിപാടി പഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. പഞ്ചായത്ത് അംഗം മുഹമ്മദ് മച്ചിങ്ങല്‍ അധ്യക്ഷനായി.
എന്‍.എസ്.എസ് പ്രോഗ്രാം ഓഫീസര്‍ എന്‍.കെ ഹഫ്‌സല്‍ റഹ്മാന്‍, എന്‍.എസ്.എസ് യൂനിറ്റ് ലീഡര്‍മാരായ ഹംറാസ് മുഹമ്മദ് പാറമ്മല്‍, നസീബ തസ്‌നീം മങ്കരത്തൊടി, എ.കെ മുഹമ്മദ് ഷബീറലി, ഫാത്തിമ ഷിറിന്‍ ഷഹാന തുടങ്ങിയവര്‍ നേതൃത്വം നല്‍കി. അങ്കണവാടി, ആശ പ്രവര്‍ത്തകരായ സുബൈദ കുണ്ടുവായില്‍, സുലൈഖ കണ്ണാട്ടി തുടങ്ങിയവര്‍ നേതൃത്വം നല്‍കി